Қарақия ауданындағы тарихи-мәдени мұра ескерткіштері туралы заңнаманы сақтау туралы семинар

«Маңғыстау мемлекеттік тарихи-мәдени қорығы» "Тарихи-мәдени мұраны қорғау" бөлімінің жоспарына сәйкес Қарақия ауданы бойынша тарихи-мәдени мұра объектілеріне қатысты заңнамалардың сақталуын қамтамасыз ету бойынша (23 мамыр) семинар болып өтті. Мақсаты Қазақстан Республикасының «Тарихи-мәдени мұра объектілерін қорғау және пайдалану туралы», «Жер» кодексі (127-бап), «Сәулет, қала құрылысы және құрылыс қызметі туралы» (10-бап) заңдарының сақталуын қамтамасыз ету туралы түсіндіру жұмыстары. Семинарға қатысқандар: Қарақия ауданы әкімінің орынбасары Е. Копжасаров, «Маңғыстау мемлекеттік тарихи-мәдени қорығы» директордың м.а – Бекболат Төлегенұлы, Маңғыстау облыстық мәдениет басқармасының заңгері – А. Қайырбаев, тарихи-мәдени мұраны қорғау және пайдалану саласы қызметкерлері, ауыл әкімдері мен бас мамандары, аудандық мәдениет, құрылыс, ішкі саясат, жер қатынастары, ішкі істер бөлімі қызметкерлері, аудандық ақсақалдар алқасы және жергілікті өлкетанушылар, тұрғындар, т.б. Нәтижесінде Семинарға қатысушылар келесідей ШЕШІМ ҚАБЫЛДАДЫ:

Аудан-ауыл әкімдіктеріне:

- Қазақстан Республикасының тарихи-мәдени мұраны қорғау және пайдалану туралы заңдарының сақталуы қамтамасыз етілсін;

- тарих және мәдениет ескерткiштерiне қауiп төндiретiн құрылыс жұмыстарын тоқтату, тыйым салу туралы мәселелер шешілсін;

- тарихи-мәдени мұра объектілері мен олардың қорғау аймақтарында заңбұзушылық фактілерді болдырмау мақсатында қорғау аймақтары бекітілген ескерткіштерге деректер жазылған қорғау белгілерін орнату жұмыстары жүргізілсін (жергілікті меценаттар немесе демеуші ұйымдарды тарту);

Мұндай семинарлар жылдық жоспарға сәйкес әлі де жалғасын табады.