Тарих және мәдениет ескерткіштерін қорғау және күтіп-ұстау қағидасын бекіту туралы

Қазақстан Республикасы Мәдениет және спорт министрінің 2014 жылғы 29 желтоқсандағы № 157 бұйрығы. Қазақстан Республикасының Әділет министрлігінде 2015 жылы 29 қаңтарда № 10163 тіркелді

Ескерту. Бұйрықтың тақырыбы жаңа редакцияда - ҚР Мәдениет және спорт министрінің 28.06.2016 № 183 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Қазақстан Республикасы 1992 жылғы 2 шілдедегі «Тарихи-мәдени мұра объектілерін қорғау және пайдалану туралы» Заңының 19-бабының
14-2) тармақшасына сәйкес БҰЙЫРАМЫН:
1. Қоса беріліп отырған Тарих және мәдениет ескерткіштерін қорғау және күтіп-ұстау қағидасы бекітілсін.
Ескерту. 1-тармақ жаңа редакцияда - ҚР Мәдениет және спорт министрінің 28.06.2016 № 183 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
2. Қазақстан Республикасы Мәдениет және спорт министрлігінің Мәдениет және өнер істері департаменті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрықтың мемлекеттік тіркелуінен кейін он күнтізбелік күннің ішінде бұқаралық ақпарат құралдарында және «Әділет» құқықтық-ақпараттық жүйесінде ресми жариялануға жолдауын;
3) осы бұйрық ресми жарияланғаннан кейін Қазақстан Республикасы Мәдениет және спорт министрлігінің интернет-ресурсында орналасуын қамтамасыз етсін.
3. Осы бұйрықтың орындалуын бақылау Қазақстан Республикасының Мәдениет және спорт вице-министрі Ғ. Ахмедьяровқа жүктелсін.
4. Осы бұйрық оның алғаш рет ресми жарияланған күннен кейін бастап қолданысқа енгізіледі.

Министр А. Мұхамедиұлы

Қазақстан Республикасы  
Мәдениет және спорт министрінің
2014 жылғы 29 желтоқсанда
№ 157 бұйрығымен
бекітілген  

Тарих және мәдениет ескерткіштерін қорғау және күтіп-ұстау қағидасы

Ескерту. Тақырып жаңа редакцияда - ҚР Мәдениет және спорт министрінің 28.06.2016 № 183 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1. Осы Тарих және мәдениет ескерткіштерін қорғау және күтіп-ұстау қағидасы тарих және мәдениет ескерткіштерін (бұдан әрі - ескерткіштер) қорғау мен күтіп-ұстау тәртібін айқындайды.
Ескерту. 1-тармақ жаңа редакцияда - ҚР Мәдениет және спорт министрінің 28.06.2016 № 183 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
2. Ескерткіштердің меншік иелері мен пайдаланушылар олардың сақталуын қамтамасыз ету мақсатында мыналарды жүзеге асырады:
1) зақымданудан және (немесе) жоюдан, тағылық актілерінен, жалған дәріптеуден, өңін айналдырудан, бұрмалаудан, орынсыз өзгерістер енгізуден, тарихи түпмәтіннен үзіп тастаудан қорғау;
2) облыстардың, республикалық маңызы бар қаланың, астананың, аудандардың (облыстық маңызы бар қалалардың) жергілікті атқарушы органдарын меншік құқықтарының болуы мүмкін немесе болған өзгерістері туралы хабардар ету;
3) ғылыми-реставрациялау жұмыстарын жүргізеді.
Халықаралық және республикалық маңызы бар тарих және мәдениет ескерткіштерінде ғылыми-реставрациялау жұмыстарын жүргізуді тарихи-мәдени мұра объектілерін қорғау және пайдалану бойынша уәкілетті органмен келіседі.
Облыстардың, республикалық маңызы бар қалалардың, астананың жергілікті атқарушы органдарына «Рұқсаттар және хабарламалар туралы»
2014 жылғы 16 мамырдағы Қазақстан Республикасының Заңында белгіленген тәртіппен жергілікті маңызы бар тарих және мәдениет ескерткіштерінде ғылыми-реставрациялау жұмыстарын жүргізудің басталғаны туралы хабарлама жібереді.
4) облыстардың, республикалық маңызы бар қаланың, астананың, аудандардың (облыстық маңызы бар қалалардың) жергілікті атқарушы органдарымен жасалған арнайы шарттарда белгіленетін тәртіппен және шекте ескерткішке ғылыми, мәдени және өзге де мақсаттарда қол жеткізуді;
5) олардың сақталуы қамтамасыз етілетін нормаларға сәйкес күтіп-ұсталуын қамтамасыз ету.
Ескерту. 2-тармаққа өзгеріс енгізілді - ҚР Мәдениет және спорт министрінің 28.06.2016 № 183 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
3. «Тарихи-мәдени мұра объектілерін қорғау және пайдалану туралы» Қазақстан Республикасының 1992 жылғы 2 шілдедегі Заңының 18-бабы 7-тармақшасына сәйкес облыстардың, республикалық маңызы бар қаланың, астананың, жергілікті атқарушы органдары ескерткіштердің меншік иелері мен пайдаланушыларға қорғау міндеттемесі беріледі.
4. Әрбір ескерткішке ескерткіш туралы негізгі деректер және ескерткіштің мемлекеттің қорғауында екендігіне нұсқама қамтылған қорғау тақтасы орнатылады.

© 2012. Қазақстан Республикасы Әділет министрлігінің "Республикалық құқықтық ақпарат орталығы" ШЖҚ РМК 

Жарияланған күні: 17 қаңтар 2019




26 мамыр 2023

Тарих және мәдениет ескерткіштерін қорғау және пайдалану қағидаларын бекіту туралы

26 мамыр 2023

Тарих және мәдениет ескерткіштерін анықтау, есепке алу, мәртебе беру және одан айыру, орнын ауыстыру және өзгерту, жай-күйін мониторингтеу және санатын өзгерту қағидаларын бекіту туралы

26 мамыр 2023

Тарих және мәдениет ескерткіштерін пайдалануға беру және оларға қол жеткізу қағидаларын бекіту туралы

26 мамыр 2023

Тарихи-мәдени сараптама жүргізу қағидаларын бекіту туралы

26 мамыр 2023

Археологиялық жұмыстарды жүзеге асыру қағидалары мен шарттарын бекіту туралы

26 мамыр 2023

Тарих және мәдениет ескерткіштеріндегі ғылыми-реставрациялық жұмыстарды жүргізу қағидалары мен шарттарын бекіту туралы

26 мамыр 2023

Қорғау міндеттемелерін беру қағидаларын бекіту туралы

17 мамыр 2023

Тарихи-мәдени мұра объектілерін қорғау және пайдалану туралы

5 мамыр 2023

Тарих және мәдениет ескерткішінің паспортын ресімдеу қағидаларын бекіту туралы

13 сәуір 2023

Тарих және мәдениет ескерткішінің қорғау аймағын, құрылыс салуды реттеу аймағын және қорғалатын табиғи ландшафт аймағын және оларды пайдалану режимін айқындау қағидаларын бекіту туралы

28 наурыз 2023

Жергілікті маңызы бар тарих және мәдениет ескерткіштерінің мемлекеттік тізімін бекіту туралы

17 ақпан 2021

Республикалық маңызы бар тарих және мәдениет ескерткіштерінің мемлекеттік тізімін бекіту туралы Қазақстан Республикасы Мәдениет және спорт министрінің 2020 жылғы 14 сәуірдегі № 88 бұйрығы.

17 қаңтар 2019

Тарих және мәдениет ескерткіштерін қорғау міндеттемелерін беру қағидаларын бекіту туралы

17 қаңтар 2019

Тарихи-мәдени мұра объектілерін қорғау және пайдалану туралы заң

17 қаңтар 2019

Тарих және мәдениет ескерткіштерін анықтау, есепке алу, мәртебе беру және мәртебесінен айыру қағидаларын бекіту туралы

17 қаңтар 2019

Мемлекеттік меншіктегі тарих және мәдениет ескерткіштерін пайдаланғаны үшін жалдау ақысының мөлшерлемесін белгілеу туралы

17 қаңтар 2019

Тарих және мәдениет ескерткіштерін қорғау және күтіп-ұстау қағидасын бекіту туралы

17 қаңтар 2019

Тарихи-мәдени мұра объектілерінің қорғау аймақтарын, құрылыс салуды реттеу аймақтарын және қорғалатын табиғат ландшафты аймақтарын айқындау және пайдалану режимінің қағидаларын бекіту туралы

17 қаңтар 2019

Тарих және мәдениет ескерткіштерінде ғылыми-реставрациялау жұмыстарын жүргізу қағидаларын бекіту туралы

17 қаңтар 2019

Тарих және мәдениет ескерткіштерін пайдалануға беру қағидаларын бекіту туралы

 

 

Ескеркіш

Есепте тұрған ескерткіштер саны:

590

Республикалық дәреже:

20

Жергілікті дәреже:

570

Ескеркіш

Есепте тұрған киелі орындар саны:

43

Жалпыұлттық дәреже:

15

Жергілікті дәреже:

28